काठमाडौंको कलंकीनजिकै सडक पेटीमा दुईवटा शंकास्पद वस्तु भेटिएको छ । प्रहरीका अनुसार आज बिहान झोलामा राखेको अवस्थामा प्रेसर कुकर बम जस्तो देखिने शंकास्पद वस्तु भेटिएको हो ।
उक्त वस्तुलाई निस्क्रिय पार्न नेपाली सेनाको टोली त्यसतर्फ गएको छ । शंकास्पद वस्तु कसले र किन राखेको हो भन्नेबारे खुल्न बाँकी छ । पछिल्लो समय अमेरिकी सहयोग परियोजना एमसिसीको विषयमा विभिन्न ठाउँमा आन्दोलन भइरहेको छ ।
काठमाडौं उपत्यकामा पनि पटकपटक एमसिसीको विरोधमा प्रदर्शन भइरहेको छ । त्यसकै विरोधमा प्रदर्शनकारीले शंकास्पद वस्तु राखेको हुनसक्ने सुरक्षाकर्मीको अनुमान छ ।
प्रकाशित : २०७८ फाल्गुन ६, शुक्रबार : प्रकाशित