डा. सीके राउत नेतृत्वको जनमत पार्टी र रेशम चौधरीको संरक्षकत्वमा गठित नागरिक उन्मुक्ति पार्टीबीच मोर्चाबन्दी हुने भएको छ ।
दुई पार्टीले आइतवार १२ बुँदे सहमति गर्दै विभिन्न मुद्दामा एक साथ अगाडि बढ्ने जनाएका हुन् ।
सहमतिको पहिलो बुँदामा नै रेशम चौधरीको रिहाइका लागि पहल गर्ने उल्लेख छ ।
‘टीकापुर घटनाका राजबन्दीहरू लगायत माननीय रेशम चौधरीको रिहाइको पहल दुवै पक्षबीच सम्झौता भएकै दिनबाट शुरू गर्ने,’ सहमति पत्रमा भनिएको छ ।
दुवै पार्टीका नेता कार्यकर्तामाथिका मुद्दा फिर्ता गर्न र रिहाइका लागि पहल गर्ने, लाल आयोगको प्रतिवेदन सार्वजनिक गराउन पहल गर्ने तथा विभिन्न जनसरोकारका विषय पनि सहमति पत्रमा उल्लेख छन् ।
संघ र प्रदेश सरकार दुवैतिर यी दुई पार्टी कार्यगत रूपमा सहकार्य गर्दै अगाडि बढ्ने सहमति पनि भएको छ ।
संघमा सीके राउत नेतृत्वको जनमतका ६ र रञ्जिता श्रेष्ठ नेतृत्वको नागरिक उन्मुक्तिका ४ सांसद छन् । दुवै दल सत्ता साझेदार हुन् ।
हेर्नुहोस्, २ पार्टीबीचको १२ बुँदे समझदारी :
समाचार 
