भक्तपुर– काठमाडौं फोटोग्राफर संघले १८४ औँ विश्व फोटोग्राफी दिवसको अवसरमा शनिवार भक्तपुर दरवार स्क्वायर परिसरमा फोटो वाक तथा फोटो प्रतियोगिता कार्यक्रम आयोजना गरेको छ ।
फोटो वाक नेपाल तथा किपाग्राफी भक्तपुरको सहकार्यमा सम्पन्न उक्त कार्यक्रममा काठमाडौ फोटोग्राफर संघका सल्लाहकार रत्न मान आँशूले विश्व फोटोग्राफी दिवसको बारेमा उपस्थित फोटोग्राफरहरुलाई प्रकाश पारेका थिए ।
अध्यक्ष डिगम्बर राजवंशीको सभापतित्वमा सम्पन्न कार्यक्रममा फोटोवाक नेपालका ओम यादबले फोटो प्रतियोगिताको विधाको विषयमा प्रकाश पारेका थिए ।
शनिवार सञ्चालित फोटो प्रतियोगिताको नतिजा भने संघको गदौ ३० गते आयोजना हुने १५ औँ वार्षिक साधारण सभामा प्रकाशित गर्ने संघका सह–सचिव रेशम राज पण्डितले जानकारी दिएका छन् ।
सानुकाजि महर्जनको संयोजकत्वमा आयोजित कार्यक्रमलाई संघका सचिव हरिप्रसाद घिमिरेले सञ्चालन गरेका थिए ।
समाचार 
