१७ फेब्रुअरीमा, अन्तर्राष्ट्रिय शान्ति संगठन, हेभेन्ली कल्चर, वर्ल्ड पीस, रेस्टोरेसन अफ लाइट (एचडब्ल्युपीएल) ले ४९ देशका लगभग १६० सञ्चारकर्मीहरूको उपस्थितिमा एक अनलाइन कार्यक्रमको आयोजना गर्‍यो। यस वर्ष, एचडब्ल्युपीएलको शान्ति पत्रकारितामा अन्तर्राष्ट्रिय कार्यशालाले विश्वव्यापी ९ पत्रकारहरूको सहयोगमा उत्पादन गरेको दोस्रो जर्नल, ‘शान्ति पत्रकारिता अध्ययन’ को प्रकाशनलाई उजागर गरियो।

“द्वन्द्व समाधानमा मिडिया परिप्रेक्ष्य” भन्ने विषयको साथ यो कार्यक्रम शान्ति पत्रकारिताका विचारहरू साझा गर्न, शान्तिका लागि अन्तर्राष्ट्रिय संचार संजालको सामूहिक आवाज उठाउँन, र भविष्यका कार्य योजनाहरू सुझाव दिँदै विश्वका मानिसहरूलाई उनीहरूको मनमा शान्ति राख्न निवेदन गर्न लक्षित थियो l योगदानकर्ताहरूमध्ये ६ जना वक्ताले शान्ति निर्माणमा सञ्चारमाध्यमको भूमिका, शान्तिसँग सम्बन्धित विषय, शान्ति पत्रकारिता र विश्वव्यापी सुरक्षाका विषयमा सम्बोधन गरेका थिए ।

इनोसेन्ट युह, संचारकर्मीहरुको क्यामरून संघ (सीएएमपी) दक्षिण पश्चिम क्षेत्र क्यामरूनका क्षेत्रीय संयोजकले शान्ति पत्रकारितामा छलफलको आवश्यकता औंल्याए। उहाँले भने, “द्वन्द्व र विवादको नाजुक टेपेस्ट्री नेभिगेट गर्दा, शान्ति पत्रकारिता स्पष्टताको ज्योति, समानुभूतिको साधन, र अर्थपूर्ण परिवर्तनको लागि एक उत्प्रेरकको रूपमा देखा पर्दछ। शान्ति पत्रकारिता विभिन्न दृष्टिकोणका लागि मंचहरु प्रदान गर्दै, र द्वन्द्वको बहुआयामिक प्रकृतिसँग गहिरो संलग्नता सृजना गर्दै, खुला संवादको माध्यमको रूपमा प्रकट हुन्छ,” ।

शान्ति पत्रकारिताका लागि आचारसंहिताको महत्त्वलाई जोड दिँदै जाम्बीडेली डट कम का प्रधान सम्पादक हेन्ड्री नर्सालले भने, “पत्रकार कार्यक्रममा उपस्थित हुन सक्षम हुनुपर्छ। सञ्चारमाध्यमले आचारसंहिता जस्ता नियमहरूका आधारमा सही सूचनाको स्रोत बन्ने र पेशागत रूपमा प्रस्तुत गर्ने प्रयास गर्नुपर्छ भन्ने कुरालाई हामी नकार्न सक्दैनौं। यसले सुनिश्चित गर्दछ कि पत्रकारहरू आफ्नो पेशा विशेष गरी जानकारी खोज्ने र प्रस्तुत गर्ने कुरामा जिम्मेवार छन् ।”

युक्रेनका पत्रकार तथा वकिल इहोर शेभीरोभले द्वन्द्व समाधानका लागि जग निर्माण गर्न शान्ति पत्रकारिताको भूमिकामा सहभागीहरूलाई निवदेन गरे। उनले भने, “युक्रेनको युद्धले सम्पूर्ण विश्वव्यापी सुरक्षालाई खतरामा पारेको छ। यो पनि जोड दिनुपर्छ कि विश्वव्यापी सुरक्षा सुदृढ गर्न राज्यहरू मात्र प्रभावशाली “खेलाडीहरू” होइनन्। यो नागरिक समाज र नागरिक समाजका संस्थाहरूको पनि चासो हो। शान्ति पत्रकारिताले द्वन्द्वमा परेका पक्षहरूबीच सञ्चार स्थापित गर्न मद्दत गर्छl”

हमारपहुरा डट कम का संस्थापक प्रकाशक तथा सम्पादक, लोकबहादुर चौधरीले शान्ति स्थापनाका लागि पत्रकारहरुलाई व्यवहारिक दृष्टिकोणको सुझाव दिँदै भने, “हामी चेतना जगाउने मात्रै नभई, शान्तिपूर्ण विश्वको अनुभूतिलाई छिटोछरितो गर्दै शान्तिको खोजीमा सक्रिय रूपमा संलग्न हुन व्यक्तिहरूलाई प्रेरित पनि गर्छौं । विश्वव्यापी शान्ति घटनाहरूको नियमित रिपोर्टिङ प्रत्येक देशमा मासिक प्रयास हुनुपर्छ।”

शान्ति निर्माणका लागि व्यक्तिहरूद्वारा सामाजिक सञ्जालको सकारात्मक भूमिकाको बारेमा, द अफ्रिकन ड्रिम कम्पनीका संस्थापक ओरल ओफोरीले भने, “सामाजिक संजालले विभिन्न संस्कृति र पृष्ठभूमिका मानिसहरूलाई प्रत्यक्ष रूपमा एकअर्कासँग संलग्न हुन सक्षम बनाउँछ। यी डिजिटल प्लेटफर्महरूमा अन्तरक्रियाहरू, सकारात्मक रूपमा प्रयोग गर्दा, शान्ति र पारस्परिक समझको लागि सामूहिक रूपमा काम गर्ने विश्वव्यापी समुदायलाई बढावा दिन सक्छ। तल्लो तहका रिपोर्टहरूले द्वन्द्वहरूमा ध्यान ल्याएको छ जुन अन्यथा ध्यान नदिइएको वा रिपोर्ट नगरिएको हुन सक्छ।”

“२०२२ सम्म, ६०% जनताले विश्वास गर्छन् कि उनीहरूले प्राप्त गरेका समाचारहरूमा पूर्वाग्रह वा गलत सूचनाहरू समाहित छन्। यसको अर्थ र सिद्धान्तहरूमा, शान्ति पत्रकारिता एक पत्रकारिता अभ्यास हो जसले द्वन्द्व न्यूनीकरण गर्न, संवादलाई बढावा दिन र समाजमा शान्ति स्थापना गर्न मद्दत गर्दछ। एचडब्ल्युपीएल एकमात्र अन्तर्राष्ट्रिय गैर-सरकारी संस्था हो जसले सबै संचार माध्यमलाई शान्ति प्रवर्द्धन गर्न आह्वान गर्दछ, “मीरा इस्लामिक समाचार एजेन्सी (एमआईएनए) का प्रमुख रिपोर्टर राना सेतियावानले भने।

आयोजक संस्था, एचडब्ल्युपीएल, विश्वव्यापी रूपमा पत्रकारितामा मात्र नभई शान्ति शिक्षा, अन्तरविश्वास संवाद, युवा र महिला गतिविधिहरू, र शान्तिको लागि अन्तर्राष्ट्रिय कानूनको स्थापनाको पहलहरूमा संलग्न छ। एचडब्ल्युपीएलले शान्ति पत्रकारितालाई निरन्तरता दिईरहँदा, यो कार्यक्रमले सबै मिडिया आउटलेटहरूलाई दिगो शान्तिको खोजीमा एकताबद्ध संसारलाई बढावा दिन आफ्नो भूमिकालाई अँगाल्न आग्रह गर्दै मिडिया प्रयासको लागि आह्वान गरेको छ।