दैलेख । दैलेखको आठविस नगरपालिकाको रार्कमकर्णालीमा देउसी भैलो खेल्दै गरेका दुई समूहबीच विवाद हुँदा झडप भएको छ । उनीहरूबीच सामान्य विवाद हुँदा एक आपसमा लडेको जिल्ला प्रहरी कार्यालय दैलेखले जनाएको छ।

भैली खेलिरहेको केटीलाई जिस्काएको विषयलाई लिएर दुई समूहबीच राकममा झडप भएको स्रोतले जनाएको छ।अहिले अवस्था सामान्य भएको र इलाका प्रहरीमा आक्रमण गर्न खोज्ने तीन जनालाई नियन्त्रणमा लिइएको प्रहरीले जनाएको छ ।

झडपमा दुवै समूहबाट चार–पाँच जना सामान्य घाइते भएको प्रहरीले जनाएको छ । देउसी खेल्ने विषयमा सामान्य विवाद हुँदा दुई समूहबाट केही सामान्य घाइते भएको र तीन जनालाई नियन्त्रणमा लिइएको जिल्ला प्रहरी कार्यालय दैलेखका प्रमुख (डिएसपी) सुनिल दाहालले जानकारी दिए ।