ललितपुर, २१ चैत । नेपालकै चर्चित खेलकुद क्लव थ्री स्टार क्लव लतिलपुरको स्वर्ण जयन्तीको अवसरमा विभिन्न कार्यक्रमहरु गर्ने भएको छ ।

सम्मेलनमा क्लवका अध्यक्ष ज्ञानबहादुर शाक्यले पहिलो र दोश्रो चरण गरी दुई चरणमा कार्यक्रम गर्ने योजना रहेको सुनाए । उनका अनुसार पहिलो चरणमा रक्तदान तथा स्वास्थ्य परीक्षण र थ्री स्टारका पूर्व खेलाडीहरुवीच मैत्रीपूर्ण खेल तथा मिलन कार्यक्रम हुनेछन् । दोश्रो चरणमा सम्मान तथा अभिनन्दन र सांगेतिक तथा नेवा भ्वय कार्यक्रम गर्ने छन् ।

महासचिव धर्मेन्द्रराज शाक्यले क्लवले समग्र देशको खेलकुद क्षेत्रको विकासका लागि विभिन्न खेलकुद गतिविधिहरु गर्दै आएको जानकारी गराए ।  थ्री स्टार क्लव ललितपुरको स्थानीय युवाहरुको सक्रियतामा २०३१ सालमा स्थापित भएको क्लव हो । यो नेपालको ए डिभिजन क्लवहरुमध्ये सक्रिय, प्रतिष्ठित र जनमानसमा चिरपरिचित छ ।