काठमाडौं : मुलुकमा जारी राजनीतिक संकटका बीच काठमाडौंको बबरमहल र नयाँ बानेश्वरमा राष्ट्रपतिलाई सार्वजनिक गर्न माग गर्दै प्रदर्शन भएको छ।
नेपाली कांग्रेसनिकट विद्यार्थी संगठन नेविसंघले संविधानको रक्षा र राष्ट्रपतिलाई सार्वजनिक गर्न माग गरेका हुन्। जसमा नेविसंघका पूर्वनेता शिव रिमालको समूहले ‘राष्ट्रपतिलाई सार्वजनिक गर्न’ माग गर्यो।
जेन-जी आन्दोलनले अन्तरिम सरकार गठनको माग गरिरहेका बेला प्रमुख दलका कार्यकर्ताहरू वर्तमान संविधान र व्यवस्थाको पक्षमा सडकमा उत्रिएका हुन्।
उनीहरूले ‘सैनिक शासन चाहिँदैन, संविधान मास्न पाइँदैन’, ‘विदेशी हस्तक्षेप मुर्दाबाद’, ‘राष्ट्रपति सार्वजनिक गर’ जस्ता नारा लगाउँदै बबरमहल र नयाँ बानेश्वर क्षेत्रमा प्रदर्शन गरेका थिए।
जेन-जी आन्दोलनका क्रममा भएको नरसंहारको दोष पूर्ववर्ती एमाले-कांग्रेस गठबन्धनलाई लगाइरहेको अवस्थामा ती दलका कार्यकर्ताहरूले संविधान रक्षाको माग गर्दै सडकमा आएका हुन्।
प्रदर्शनस्थलमा खटिएका नेपाली सेनाका जवानहरूले प्रदर्शनकारीहरूलाई शान्तिपूर्ण रहन र प्रदर्शन नगर्न आग्रह गरेको छन्।
समाचार 
