लोकप्रिय खबर

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

अपाङ बाल शिक्षा सरोकार केन्द्रलाई खाध्यान्न तथा दैनिक आवश्यकीय सामाग्री प्रदान

अफलाइन बुकिङमा जाँदा पठाओ राइडर अपहरण र लुटपाटमा परेको खुलासा

काठमाडौं । पठाओले शनिबार राति अपहरणमा परेको भनिएका राइडर आफ्नो नभएको स्पष्ट पारेको छ । कम्पनीले पठाओ अनलाइन राइड शेयरिङ एप भएको स्पष्ट पार्दै आफ्नो सिस्टममा उक्त राइडको विवरण नभेटिएको जनाएको छ ।

‘पठाओको सेवा लिन र दिन मोबाइल एपमार्फत बुकिङ गर्नुपर्ने हुन्छ । यसरी सेवा प्रदान गर्दा यात्रा गरिरहेको सवारीको विवरण, सेवाग्राही र राइडर दुवैको व्यक्तिगत जानकारी तथा यात्रा गरिरहेको स्थानको विवरण पठाओको एपमा उपलब्ध हुन्छ,’ कम्पनीले जारी गरेको विज्ञप्तिमा भनिएको छ ।

यसअघि प्रहरीले कोटेश्वरबाट शनिवार राति एकजना पठाओ राइडर अपहरित भएको र चढेकै यात्रुले राइडरलाई धापाखेल पुर्‍याई अपहरण लुटपाट गरेको जानकारी बाहिर ल्याएको थियो । तर समाचारमा बताइएको घटना भएको समयमा लिइएको राइड पठाओको अनलाइन राइड नभएको कम्पनीले स्पष्ट पारेको छ ।

‘यस्तो राइड सुरक्षित र सुनिश्चित दुवै नहुने भएकाले अफलाइन राइड लिने र दिने काम नगर्न हामीले बारम्बार सेवाग्राही र राइडर दुवैलाई सुझाउँदै आएका छौँ,’ कम्पनीले अगाडि भनेको छ । पठाओ मोबाइल एपको विवरण अनुसार अपहरण र लुटपाटमा पर्ने व्यक्ति प्रवीन राईले सो घटना हुनु अगाडि सो दिन सामाखुसीदेखि कोटेश्वरसम्म अन्तिम राइड लिएको देखिन्छ ।

रातको ११ बजेर १८ मिनेट जाँदा सामाखुसीबाट लिएको राइड ११ बजेर ३३ मिनेट जाँदा कोटेश्वरमा टुंगिएको थियो । तर कोटेश्वरदेखि घटनास्थल धापाखेल पुगेको कुनै पनि विवरण पठाओ एपमा उपलब्ध नरहेको बताइएको छ ।

‘यसरी हेर्दा पठाओको सेवा लिँदा वा दिँदा घटना भएको देखिँदैन । निजले बाटोमा भेटेका व्यक्तिलाई बार्गेनिङ गरेर राइड लिएको देखिन्छ, जुन सरासर गलत हो,’ पठाओ नेपालले भनेको छ ।

अफलाइन राइड लिने दिने दुवैलाई असुरक्षित सडकमा बसेर यात्रुलाई बार्गेनिङ गरी राइड लिने प्रवृत्ति देखि सावधान हुन कम्पनीले आग्रह गरेको छ । मोबाइल एपमार्फत राइड रिक्वेस्ट नगरी वा रिक्वेस्ट गरेको राइड क्यान्सिल गरी अफलाइन राइड लिँदा सेवाग्राही र राइडर दुवैको व्यक्तिगत विवरण र राइड तथा सवारीको विवरण रेकर्डमा हुँदैन ।

जसले गर्दा दुवैलाई सुरक्षा संवेदनशीलता बड्छ । त्यसैले यो घटनामा जस्तै आपराधिक मानसिकता भएका मानिसले गलत फाइदा उठाउन सक्छन् ।

अनलाइन राइडको समयमा कसैले गलत गरिहाले पनि व्यक्तिगत, राइड र सवारीको जानकारी मोबाइल एप तथा पठाओको आईटी सिस्टममा हुने भएकाले सप्रमाण प्रहरीमा उजुरी दिन सकिन्छ र सो जानकारीका आधारमा पीडकलाई नियन्त्रणमा लिन प्रहरी प्रशासनलाई समेत सहज हुन्छ । यति मात्र होइन पठाओले अहिले राइड सेयरिङ बीमा समेत सुरु गरेको छ ।

पठाओ एप मार्फत सहजीकरण गरि उपलब्ध सेवाहरू प्रयोग गर्ने सेवाग्राही तथा राइडरहरूको एक लाखसम्मको दुर्घटना उपचार बीमा र सवारी दुर्घटनाका कारण मृत्यु वा अपाङ्गता हुन पुगेको खण्डमा दश लाखसम्म बीमा दाबी गर्न सकिन्छ ।

तर अफलाइन राइड लिँदा बीमा समेत सुविधा पाइँदैन । ‘त्यसैले सुरक्षित, सुनिश्चित राइडका लागि अनलाइन राइड मात्र लिन र दिन हामी हाम्रा सम्पुर्ण सेवाग्राही र राइडर साथीहरूलाई अनुरोध गर्दछौँ,’ कम्पनीले आग्रह गर्दै भनेको छ ।


प्रकाशित : २०७८ माघ १०, सोमबार : प्रकाशित

ताजा समाचार
  • खोज खबर बिसेष
    थप
  •