लोकप्रिय खबर

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

अपाङ बाल शिक्षा सरोकार केन्द्रलाई खाध्यान्न तथा दैनिक आवश्यकीय सामाग्री प्रदान

२१ विपन्न परिवारलाई सामूहिक आवास

नेपालगन्ज-बाँकेको खजुरा गाउँपालिका–३, बी बोरिङमा २१ विपन्न परिवारलाई सामूहिक आवासको प्रबन्ध गरिएको छ । तराई मधेस समृद्धि कार्यक्रमअन्तर्गत पहिलो चरणमा करिब ७० लाख रुपैयाँको लागतमा १६ परिवारलाई आवास निर्माण गरी हस्तान्तरण गरिएको हो । अन्य पाँच परिवारका लागि आवास निर्माणाधीन अवस्थामा रहेको गाउँपालिकाले जनाएको छ । तराई–मधेस समृद्धि कार्यक्रमअन्तर्गत करिब एक करोड रुपैयाँको लागतमा शौचालय, खानेपानी, विद्युतलगायत न्यूनतम आधारभूत आवश्यकता परिपूर्ति हुनेगरी २१ वटा आवास निर्माण हुन थालेका हुन् ।
डेढ बिघा क्षेत्रफलमा निर्माण गरिएको सामूहिक व्यवस्थित आवासअन्तर्गत १६ वटा घरको शुक्रबार औपचारिक कार्यक्रम गरी लाभग्राही परिवारलाई हस्तान्तरण गरियो । नेकपा एमालेका महासचिव शंकर पोखरेलले आश्रित परिवारलाई आवास हस्तान्तरण गर्दै विकास र समृद्धिको नेतृत्व नेकपा एमालेबाहेक अरुले गर्न नसक्ने दाबी गरे । खजुरा गाउँपालिकाले विपन्न परिवारका लागि आवास निर्माण गरेर नमुना काम गरेको भन्दै महासचिव पोखरेलले
काम नगर्ने सत्तारुढ गठबन्धन जनतामाझ जान डराएको बताए ।
स्थानीय तहको निर्वाचन गर्न सरकार हिच्किचाएको आरोप लगाउँदै उनले भने, “जनताको बीचमा जान गठबन्धन डराइ रहेकाले निर्वाचन नगर्न प्रपन्च रचिरहेको छ ।” स्थानीय सरकारलाई कमजोर बनाउने षडयन्त्र भइहरेको भन्दै पूर्वमुख्यमन्त्री पोखरेलले निर्वाचन टारेर रिक्त राख्ने षडयन्त्र भइरहेको धारणा व्यक्त गरे । “जेठमा कार्यकाल पूरा हुन्छ,” स्थानीय तह निर्वाचनको मिति घोषणा गरिसक्नुपथ्र्याे,” लोकतन्त्रलाई बलियो बनाउन जनतामाझ जानुको विकल्प नरहेको भन्दै उनले मिलेर खाने दाउमा गठबन्धन लागिरहेको आरोप लगाए । देश अगाडि बढाउन बलियो शक्ति निर्माणका लागि आफ्नो पार्टी अघि बढेको जनाउ दिएका महासचिव पोखरेलले विकास र समृद्धिको नेतृत्व एमालेले मात्र गर्न सक्ने दाबी गर्दै भने, “सामाजिक न्यायको पक्षमा एमाले स्थापित भइसकेको छ ।”
गाउँपालिकाका अध्यक्ष किस्मतकुमार कक्षपतिले निर्माण सम्पन्न भएका घरमा गाउँपालिकाले आह्वान गरेको सूचनाअनुसार प्राप्त निवेदनमार्फत विपन्न व्यक्तिहरू पहिचान गरी घर उपलब्ध गराइएको बताए । उनले भूमिहीन सुकुम्बासी बसिरहेकै ठाउँमा घर बनाइदिँंदा भन्दा सामूहिक आवासको अवधारणा प्रभावकारी हुने विश्वास गरिएको बताए । “स्थानीय सरकार जनताको नजिकैको सरकारमात्रै होइन, अभिभावक पनि हो भन्ने धारणालाई वास्तविकरूपमा साकार पार्न घरवारविहीनलाई कम्पाउन्ड वालसहितको घर, शौचालय, सडक सबै व्यवस्थित बनाइएको बताए ।
अघिल्लो वर्षभन्दा यो वर्ष थप नयाँ ढंगले व्यवस्थित र सामूहिक आवासको योजना तयार भएको भन्दै कक्षपतिले गाउँपालिकाले जनतासंँग स्थानीय सरकार कार्यक्रमअन्तर्गत ज्येष्ठ नागरिकको स्वास्थ्य उपचारदेखि गरिब, अतिविपन्न नागरिकलाई विभिन्न किसिमबाट सहयोग गर्दै आइरहेको जानकारी दिए ।


प्रकाशित : २०७८ माघ १७, सोमबार : प्रकाशित

ताजा समाचार
  • खोज खबर बिसेष
    थप
  •