लोकप्रिय खबर

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

अपाङ बाल शिक्षा सरोकार केन्द्रलाई खाध्यान्न तथा दैनिक आवश्यकीय सामाग्री प्रदान

छोरी बनेर ह्वाट्सएपबाट यसरी भयो ठगी

मेटा अन्तर्गतको ह्वाट्सएपबाट हुने ठगीका घटना हामीले धेरै सुन्दै आएका छौं । नेपालमा पनि ह्वाटसएपको माध्यमबाट पैसा ठगी भएका धेरै समाचार आउने गर्छन् ।

ह्वाट्सएपमा साथी बनी वा स्क्याम लिंक पठाएर यस्तो ठगी हुँदै आएको छ । हालै वेल्समा यस्तै एउटा घटना भएको छ । एक महिलालाई ह्वाट्सएपमा आफ्नै छोरी हुँ भन्दै झुक्काएर रकम ठगी भएको छ ।

यसमार्फत सारा क्यापर नामकी ती महिलाले झण्डै २५ सय पाउन्ड स्टर्लिङ अर्थात् चार लाख रुपैयाँ बढी गुमाएकी छन् । दुई छोरीकी आमा क्यापर छुट्टै बस्दै आएकी थिइन् ।

एक दिन उनकी जेठी छोरी बनेर नयाँ नम्बरबाट ह्वाट्सएपमा म्यासेज आयो । म्यासेजको सुरुवात नै ‘हाई मम’ बाट भएको थियो । सँगै ‘ममी मैले नयाँ नम्बर लिएको छु सेभ गर्नू’ भन्ने म्यासेज थियो ।

त्यसरी ‘ममी’ सम्बोधन गरेर आएको म्यासेज हेर्दा उनीले शंका गरिनन् । किनकि उनका दुवै छोरी बाहिर बस्दै आएका थिए ।

यस्तोमा पुरानो फोन बिग्रियो र नयाँ नम्बर लिएको छु भनेर म्यासेज आउँदा उनले कुनै शंका गरिनन् । उनले ‘तिमी कुन छोरी हौ’ भनेर समेत सोधेकी थिइन् ।

त्यसको जवाफमा स्क्यामरले ‘म जेठी छोरी हुँ’ भनेर जानकारी दियो ।

‘मैले छोरी सम्झिएर त्यही म्यासेजमा थप केही बेर कुराकानी गरे,’ उनले वेल्स प्रहरीलाई भनेकी छन्, ‘यतिसम्म कि म त्यो दिन कामको प्रेसर हुँदा हुँदै पनि कुराकानी गरेकी थिएँ ।’

A graphic showing the WhatsApp exchange between a fraudster and Sarah Capper
यो घटना एक महिनाअघिकाे हो ।

कुराकानीकै क्रममा आफ्नो मोबाइल बिग्रिँदा मोबाइल बैंकिङले काम नगरेको र सामान खरिद गरेको बिल भुक्तानी गर्नुपर्ने थियो भन्दै म्यासेज आयो ।

छोरीको यो म्यासेज देखेर उनले ‘के यो तिर्नपर्ने हो ?’ भन्दै प्रश्न गरिन् ।

उक्त प्रश्नको जवाफमा स्क्यामरले ‘एस ममी, के तपाईं उक्त रकम तिर्दिनु हुन्छ ? म भोलि विहानै तपाईंलाई उक्त रकम फिर्ता गर्छु’ भनेर म्यासेजको रिप्लाई आयाे ।

यसरी स्क्यामरले पैसा माग्दा समेत उनलाई कुनै संकोच थिएन । किनभने यसअघि पनि छोरीले आफूसँग पैसा सापटी मागेकी थिइन् ।

यसरी छोरीसँग कारोबार भइरहने हुँदा उनलाई पनि छोरीलाई पुनः अप्ठ्यो पर्‍यो भन्ने भयो । यत्तिकैमा ह्वाट्सएपमा ‘मम मेरो त्यो पुरानो नम्बर डिलिट गर्दिनू, यही नम्बर सभे गर्नू’ भरेर म्यासेज आयो ।

यति भनेसँगै क्यापरले छोरीको नाममा उक्त नम्बर सेभ गर्छिन् ।

A graphic showing the WhatsApp exchange between a fraudster and Sarah Capper

त्यो सँगै क्यापरले उक्त नम्बरमा २१ सय पाउन्ड पठाइदिइन् । जसमा उनले आफ्नो साथीबाट सापटी मागेको १८ सय पाउन्ड स्टर्लिङ समेत रहेको थियो । त्यती ले नपुग्ने भएपछि पुनः उनले ४ सय पाउन्ड उनलाई पठाइदिइन् ।

यसरी दुई पटक पैसा पठाउँदासम्म पनि स्क्यामरले उनलाई म्यासेज पठाउन छाडेन । स्क्यामरले अझै पनि आफ्नो बैंक आकउन्ट फ्रिज नै रहेको र थप बिल भुक्तानी गर्नुपर्ने भएको भन्दै म्यासेज पठाउँछ ।

त्यसमा पनि क्यापरले कुनै संकोच मान्दिनन् । उनले उक्त मोबाइल नम्बरमा ४८ सय पाउन्ड स्टिर्लिङ पठाइ दिन्छिन् । यसरी एकै पटक बैकिङ खाताभन्दा बाहिर भइरहेको कारोबारलाई शंका गर्दै बैंकले स्पामरको उक्त खातालाई रोक्का गर्छ ।

बैंकले उक्त खाता रोक्का गरिदिँदा उनले पठाएको अन्तिम रकम भने फिर्ता पाइन् ।

तर, त्यो भन्दा अघि पठाएको २५ सय पाउन्ड स्टर्लिङ भने उनले गुमाउन पुगेकी छन् । वेल्स प्रहरीका अनुसार हालसम्म पनि यो विषयमा अध्ययन भइरहेको छ ।

-बीबीसीकाे सहयाेगमा


प्रकाशित : २०७८ माघ २१, शुक्रबार : प्रकाशित

ताजा समाचार
  • खोज खबर बिसेष
    थप
  •