वैज्ञानिकहरूले लामो समयदेखि मंगल ग्रहमा जीवन खोजिरहेका छन् । नासाले रातो ग्रहको अनुसन्धान गर्न क्युरियोसिटी रोभर पठाएको छ ।
अमेरिकी अन्तरिक्ष एजेन्सीको यो रोभरले मंगल ग्रहबाट हरेक दिन फोटो र नयाँ जानकारी पठाउने गर्छ ।
यसैबीच, एक यूएफओ विशेषज्ञले यी तस्वीरहरूको बारेमा एक आश्चर्यजनक दाबी गरेका छन् ।
नासाको रोभरले पठाएको तस्वीरमा एलियन देखिएको यूएफओ विज्ञको दाबी छ । यूएफओ विशेषज्ञ स्कट सी वारिङले विगतमा पनि एलियनको बारेमा धेरै दाबी गरेका छन् ।
नासाको रोभरले मंगल ग्रहबाट धेरै तस्वीर पठाएको छ । स्कट सी वारिङ भन्छन् कि यी तस्वीरहरूमध्ये एकमा एलियन देखिएको छ ।
मंगल ग्रहमा शतप्रतिशत जीवन रहेको उनको दाबी छ । पृथ्वीभन्दा मंगल ग्रहमा धेरै बौद्धिक प्राणी रहेको उनले दाबीसमेत गरेका छन् ।
यूएफओ विशेषज्ञ स्कट सी वारिङले यी फोटोहरूमा केही स्थानहरू पहिचान गरेका छन् । उनले तस्वीरमा एलियन पल्टिएको देखिएको बताएका छन् । एलियनले मार्स रोभरलाई हेरिरहेको उनको दाबी छ ।
उनले गुलाबी रंगको एलियन एक फिट अग्लो भएको दाबी पनि गरेका छन् ।
स्कट सी वारिङका अनुसार नासाले यो फोटो अप्रिल २०२१ मा जारी गरेको थियो । यो तस्वीरको विश्लेषण गरिरहेको भन्दै उनले ३ फेब्रुअरी २०२२ मा त्यो पूरा भएको बताए ।
यसअघि यूएफओमा रिसर्च गरेका निक पोपले एलियन्सका बारेमा चकित पार्ने खुलासा गरेका थिए । निक पोप बेलायती सरकारका लागि यूएफओमा अनुसन्धान गर्छन्।
उनका अनुसार यदि कुनै व्यक्ति कुनै अलौकिक जीवनको सम्पर्कमा आउँछ भने ऊ हामी सबैभन्दा लाखौं वर्ष अगाडि हुनेछ।
एलियन र मानवबीच युद्ध भएमा एलियनसँग उपलब्ध प्रविधिमा काम गर्नुपर्ने उनको भनाइ थियो ।