लोकप्रिय खबर

एकपछि अर्को गल्ती गर्दै स्क्यान्डल किङ बने दुर्गेश

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

वर्षाले महँगियो तरकारी

कञ्चनपुर — हिउँदे वर्षाले तरकारी खेतीमा क्षति पुर्‍याएपछि तरकारीको मूल्य अकासिएको छ । दुई साताको अवधिमा तरकारीको मूल्य दोब्बरले महँगिएको हो । महेन्द्रनगस्थित सब्जिमण्डीमा तरकारी किन्न आएका उपभोक्ताले केही दिनकै बीचमा सबैजसो तरकारीको मूल्य बढेको बताए ।

 

अहिले काउलीको मूल्य प्रतिकिलो १ सय, टमाटरको ८०, प्याजको ४० रुपैयाँ पुगेको छ । जबकि अहिले काउली र टमाटरकै सिजन हो । यसैगरी, हरियो खुर्सानीको १ सय, भेडे खुर्सानी १२० र आलुको मूल्य प्रतिकिलो ४० रुपैंया पुगेको छ । आलुबाहेक सबै तरकारीको मूल्य निकै बढेको व्यवसायीहरू पनि बताउँछन् । ‘लगातारको वर्षाले काउलीलगायत तरकारी बिग्रेको छ, यही भएर अहिले पाउनै गाह्रो भएको छ,’ सब्जीमण्डीका तरकारी व्यवसायी वीरेन्द्रराज जोशीले भने, ‘एक हप्तामै मूल्य दोब्बर भएको छ ।’

उनका अनुसार अहिले महेन्द्रनगर बजारमा बन्दा, काउली, खुर्सानी, टमाटरलगायत तरकरी स्थानीय क्षेत्रबाटै उत्पादन भई आइरहेको छ । तर सिजनमै वर्षाले क्षति पुगेपछि किसानसमेत चिन्तामा छन् । यसअघि कात्तिक पहिलो साता पनि वर्षाले हिउँदे तरकारीमा निकै क्षति पुगेको थियो ।

अहिले सिजनको पहिलो लट उत्पादन सकिएर दोस्रो लटको उत्पादन बजारमा आइनसकेको अवस्थामा मुल्य एकाएक बढेको सब्जीमण्डी व्यवसायी संघका अध्यक्ष विशाल सोनारले बताए ।

उनका अनुसार कात्तिक पहिलो साताको वर्षाले धेरै तरकारी नोक्सान गरेका कारण हिउँदमा पहिलो लटमा हुने उत्पादनमा निकै ह्रास आएको छ । जसका कारण अहिले अभाव भएर मूल्य वृद्धि भएको हो । ‘हिउँदमा हुने उत्पादनको पहिलो लट सकिएर दोस्रो लट बजारमा आउन नसकेको अवस्था छ,’ अध्यक्ष सोनारले भने, ‘दोस्रो लटको उत्पादन बजारमा नआउँदासम्म मूल्य घट्ने सम्भावना देखिँदैन ।’


प्रकाशित : २०७८ माघ २६, बुधबार : प्रकाशित

ताजा समाचार
  • खोज खबर बिसेष
    थप
  •