लोकप्रिय खबर

एकपछि अर्को गल्ती गर्दै स्क्यान्डल किङ बने दुर्गेश

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

अरुण नदीको बेलिब्रिज भाँचियो, आवागमन बन्द

संखुवासभाको मकालु गाउँपालिका वडा नं. १ को जिमी गाउँ र ५ को आमराङ जोड्ने अरुण नदीको बेलिब्रिज भाँचिएको छ । शनिबार इप्सुवा हाइड्रोपावरको सामान बोकेर पुल तर्दै गरेको अवस्थामा मालबाहक यातायातको साधन अरुण नदीमा खसेको छ ।

पुल भाँचिएर मालबाहक सवारीसाधनसँगै मानिसहरू नदीमा खसेका थिए । मानवीय क्षति नभएको स्थानीयहरूले बताएका छन् । मकालु गाउँपालिकाको जिमी गाउँ र आमराङ जोड्ने सबैभन्दा सिधा बाटो यही हो । उक्त बेलिब्रिज नहुँदा वारिबाट पारि पुग्न करिब तीन–चार घण्टा घुम्नुपर्छ ।

‘ओभर लोड’का कारण बेलिब्रिज भाँचिएको मकालु गाउँपालिका वडा नम्बर १ का वडाध्यक्ष ओङ्दीछिरिङ शेर्पाले बताए । उक्त बेलिब्रिज बनेपछि दुई वडाका स्थानीय प्रत्यक्ष रूपमा लाभान्वित बनेका थिए । तर, अहिले बेलिब्रिज भाँचिएपछि आवागमन पूर्ण रूपमा बन्द भएको छ ।

उक्त बेलिब्रिज इप्सुवा हाइड्रोपावर कम्पनीले निर्माण गरेको हो । बेलिब्रिजको लम्बाइ ५४ मिटर छ । उक्त बेलिब्रिजको ०७५ फागुन २४ गते प्रदेश १ का तत्कालीन प्रदेश प्रमुख गोविन्द तुम्बाहाम्फेले उद्घाटन गरेका थिए ।

इप्सुवा खोलाबाट ९७.२ किलोवाट विद्युत् उत्पादन गर्न इप्सुवा हाइड्रोपावरको काम चलिरहेको थियो । उक्त हाइड्रोपावर निर्माणको काम केएचआरएल कम्पनीले गरिरहेको छ । करिब १२ अर्ब रुपैयाँको लगानीमा उक्त हाइड्रोपावरको काम अन्तिम चरणमा पुगेको कम्पनी प्रतिनिधि अर्जुनबाबु ढकालले जनाए।


प्रकाशित : २०७८ माघ २९, शनिबार : प्रकाशित

ताजा समाचार
  • खोज खबर बिसेष
    थप
  •