लोकप्रिय खबर

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

अपाङ बाल शिक्षा सरोकार केन्द्रलाई खाध्यान्न तथा दैनिक आवश्यकीय सामाग्री प्रदान

सञ्चालनमा नआउँदै भत्कियो पार्क

गुल्मी : रेसुंगा नगरपालिका–८ तम्घासमा रहेको थ्रिडी पार्क सञ्चालनमा नआउँदै  संरचनाहरु भत्किएपछि अहिले मर्मत गर्न थालिएको छ। निर्माण भएको पार्क निर्माण सकिएको लामो समयसम्म पनि सम्बन्धित निकायले संचलनमा चासो नदेखाएपछि संरचना भत्किएको हो।

 

 

तम्घासको लाँकुरी मञ्चमा रहेको पार्कको उचित संरक्षण नहुँदा पार्कमा बस्नेहरूले फोहोर गर्ने, प्रवेश गेट नै संरक्षण नहुँदा भाँचिएको थियो। पार्कभित्र शौच गर्ने गरेको समेत पाइएको छ। पार्क रेसुंगा नगरपालिका र लुम्बिनी प्रदेश सरकारको ५०/५० प्रतिशत साझेदारीमा ५५ लाख रूपैयाँको लागतमा निर्माण भएको हो।

पहिले  लाँकुरी मञ्चको नाममा चिनिने सो स्थलको पहिचाननै  अहिले गुमेको छ।  लामो समय पार्कले आफ्नो पहिचान स्थापित गर्न नसक्नु दुःखद् भएको नागरिक समाज गुल्मीका अध्यक्ष पदम पाण्डेले बताए।

उनले विभिन्न संघ संस्था, संगठन र राजनीतिक दलहरूले सरकारलाई खबरदारी गर्ने इतिहास बोकेको लाँकुरी मञ्च भत्काएर नौटंकी गरिएको आरोप लगाए। पाण्डेले आ-आफ्नै स्वार्थका कारण पार्कलाई अलपत्र पारेर राज्यको रकम दुरुपयोग गर्न नपाइने टिप्पणी गरे।

वडा नम्बर ८ का अध्यक्ष भरत भलामीले पहिले पार्क निर्माण गरेको ब्यक्तिले मर्मतका लागि आउँछु आउँछु भन्दै आलटाल गरेका कारण समस्या भएको बताए।
सहज रुपमा दक्ष कामदार पनि नपाइने र नयाँ संरचना भएकाले पनि मर्मत गरी सञ्चालनमा ल्याउन ढिलाई भएको उनको भनाइ छ।

अहिले बुटबलबाट कामदार ल्याई मर्मत भइरहेका र फागुनभित्रै  सञ्चालनमा ल्याउने रेसुंगा नगरपालिकका नगरप्रमुख डिल्लीराज भुसालले दाबी गरे।


प्रकाशित : २०७८ फाल्गुन ६, शुक्रबार : प्रकाशित

ताजा समाचार
  • खोज खबर बिसेष
    थप
  •