लोकप्रिय खबर

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

अपाङ बाल शिक्षा सरोकार केन्द्रलाई खाध्यान्न तथा दैनिक आवश्यकीय सामाग्री प्रदान

छोराछोरी धरौटीमा राखेर लागूपदार्थ ओसारपसार गर्दै आमा

बाँके । सीमा क्षेत्रमा चरेस र अफिम ओसारपसारमा पक्राउ पर्नेमध्ये महिलाको संख्या बढ्दो छ । विपन्न महिलालाई नेपाल–भारत दुवैतर्फका लागूऔषध कारोबारीले भरियाको रुपमा प्रयोग गर्न थालेपछि पक्राउ पर्नेको संख्या बढेको प्रहरीको अनुसन्धानले देखाएको हो ।

प्रहरीका अनुसार छोराछोरी धरौटीमा राख्न लगाएर आमालाई लागूपदार्थ ढुवानीमा भरियाका रूपमा प्रयोग गर्दै आएको पनि पाइएको छ । ‘भारतीय व्यापारीसँग मिलेर भरिया बनाए । छोराछोरीको पालनपोषण पनि गरिदिन्छौं भने,’ पक्राउ परेकी रोल्पाकी एक महिलाले भनिन्, ‘पठाउने मान्छे रोल्पाको हो ।’

भारतीय तस्करसँग मिलेका व्यापारीले आफूलाई चरेस र अफिम ओसारपसारको भरिया बनाउँदा छोराछोरीलाई अप्रत्यक्ष निगरानीमा राखेको उनले बताइन् । ‘जेलमा बस्दा पनि छोराछोरीलाई केही गर्ने हुन् कि भन्ने डरैडर भयो,’ उनले भनिन् । भरिया बन्न बाध्य भएका महिला सन्तानप्रतिको मायाले लागूपदार्थ कारोबारीले अह्राएको जोखिमयुक्त काम गर्न बाध्य छन् ।

‘पक्राउ पर्ने महिलाले कारोबारीको पहिचान लुकाउनुको कारण पनि त्यही हो,’ अनुसन्धानमा संलग्न एक प्रहरी अधिकृतले भने, ‘बच्चा धरौटीमा राख्दा आपूर्तिकर्ता सुरक्षित हुन्छन् । पक्राउ पर्ने महिलाले सन्तानको मायाले आपूर्तिकर्तालाई चिनेको भए पनि भन्न चाहँदैनन् ।’ कतिपय कारोबारीले भारतीय प्रहरीलाई सूचना दिएर आफैंले पठाएको भरिया पक्राउ गर्नसमेत लगाउने गरेका छन् ।

मिलेमतोमा यसो गर्दा भरियालाई सर्तबमोजिमको पैसा दिनु नपर्ने र लागूऔषध पनि थोरै लगानीमा भारतीय बजारसम्म पुर्याउन सकिने भएकाले नाइकेले दोहोरो जालझेल गरेको पनि पाइएको ती प्रहरी अधिकृतले बताए । जिल्ला प्रहरी कार्यालय बाँकेका अनुसार चरेस तथा अफिम बोकाएर सीमापार गर्न तयार हुनेमा सुर्खेत, रोल्पा, रुकुम, दाङ र जाजरकोटका महिला धेरै छन् ।

पक्राउ पर्नेमा २० देखि ६० वर्ष उमेर समूहका छन् । नेपालगन्ज कारागार शाखा प्रमुख रामकुमार सोनकरका अनुसार लागूऔषध मुद्दामा जेल परेका महिला थुप्रै छन् । धेरै भएपछि उनीहरूलाई राख्न ठाउँ नपुगेकाले ३० जना महिलालाई अन्य जिल्लामा पठाइएको छ । १५४ जना पुरुष नेपालगन्ज जेलमा छन् । जेलमा भएकामध्ये एक जनाबाहेक सबै लुम्बिनी र कर्णाली प्रदेशका पहाडी र हिमाली जिल्लाका हुन् ।


प्रकाशित : २०७८ फाल्गुन १२, बिहीबार : प्रकाशित

ताजा समाचार
  • खोज खबर बिसेष
    थप
  •