युक्रेनमा रुसको आक्रमण लगातार चौथो दिन पनि जारी छ ।
युक्रेनले हालसम्म झडपमा ४ हजार ३ सय रुसी सैनिक मारिएको दाबी गरेको छ । साथै १४६ ट्याङ्क, २७ विमान र २६ हेलिकप्टर ध्वस्त भएका छन् ।
रुस र युक्रेनबीच चार दिनदेखि जारी युद्धमा पहिलो पटक शान्तिको आशा देखिएको छ ।
युक्रेनको मिडिया हाउस र न्युयोर्क टाइम्सले युक्रेन र रुसका प्रतिनिधिमण्डलले आज राति बेलारुस र युक्रेनलाई जोड्ने सीमामा वार्ता गर्न लागेको जानकारी दिएका छन् ।
यद्यपी यस सम्बन्धमा दुबै देशबाट आधिकारिक धारणा आएको छैन ।
यसअघि युक्रेनका राष्ट्रपति युद्धमा प्रत्यक्ष रुससँग भएकाले बेलारुसमा आफ्ना कुनै सदस्यलाई वार्ताका लागि पठाउन तयार छैनन् भन्ने खबर दिनभर आएको थियो । तर, अब सीमामा वार्ता गर्ने निर्णय भएको छ ।
समाचार 
