लोकप्रिय खबर

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

अपाङ बाल शिक्षा सरोकार केन्द्रलाई खाध्यान्न तथा दैनिक आवश्यकीय सामाग्री प्रदान

विश्वमै पहिलोपटक मर्दै गरेको मानिसको दिमागको क्रियाकलाप रेकर्डिङ

लुइजभिल्ले । एकजना बिरामीको अचानक मृत्यु हुने क्रममा विश्वमै पहिलोपटक मर्दै गरेको मानव मस्तिष्कको रेकर्डिङ भएको छ । वैज्ञानिकहरूले ८७ वर्षीय छारे रोगका बिरामीको मस्तिष्कका तरङ्गहरू अवलोकन गरिरहेका बेला यस्तो अनौठो घटना रेकर्डिङ गर्न सफल भएका हुन् ।

यस सम्बन्धी अध्ययनको दौरान वैज्ञानिकहरूले उनको मस्तिष्कको अवलोकन गरिरहेकै अवस्थामा ती वृद्धको अचानक ह्रदयाघातबाट मृत्यु भएको थियो । अनुसन्धानकर्ताहरूले त्यस्तो अपूर्व संयोगका कारण मृत्युको बेला मस्तिष्कले कस्तो प्रतिक्रिया जनाउँछ भन्ने नयाँ तथ्य पत्ता लगाउन सकेको बताएका छन् ।

उनीहरूले बिरामीको मुटुका स्पन्दन बन्द नहुन्जेल पन्ध्र मिनेटसम्म मस्तिष्कको क्रियाकलाप रिकर्ड गरेका थिए । मृत्युको बेला मस्तिष्कले कसरी प्रतिक्रिया जनाउँछ भन्ने हेर्न उनीहरूले मुटुको धड्कन ठ्याक्कै रोकिएको वरिपरकै समयको ३० सेकेन्डको दुईवटा अन्तराललाई विशेष ध्यान दिएका थिए । निरीक्षणको क्रममा उनीहरूले गामा चाल रेकर्डिङ गरे । यस्तो गामा चाल अर्थात मस्तिष्क तरङ हामीले सपना देख्दै गर्दा, केही चिज सम्झने कोसिस र ध्यान गर्दा उत्पन्न हुने गर्छ ।

हामीले सुन्ने गरेको ‘जीवनको सारा वृत्तान्त मेरा आँखासामु नाचे’ भन्ने कहावत यस अध्ययनले अलि टाढैको कुरा हुन सक्ने जनाएको छ । तर वास्तवमा मर्नेबेलामा मस्तिष्कले मानिसको आफ्नो जीवनका महत्वपूर्ण घटनाहरू सम्झाइदिने भनाइ भने सत्य भएको अनुसन्धानकर्ताहरू बताउँछन् । यो चाखलाग्दो भनाइलाई हामीहरूले वर्षौंदेखि विश्वास पनि गर्दै आइरहेका छौँ । अनुसन्धानले यस्तो रमाइलो पक्षलाई पनि उजागर गर्नुका साथै केही थप प्रश्न पनि सिर्जना गरिदिएको छ ।

अमेरिकाको युनिभर्सिटी अफ लुइजभिल्लेका न्युरोसर्जन तथा यस अध्ययनका लेखक डा. अजमल जेम्मारले यस अध्ययनले जीवन कहिले टुँगिन्छ भन्ने बुझाइलाई चुनौती दिएको बताएका छन् । अनुसन्धानले मर्दै गरेको मानिसको मस्तिष्कमा रक्तसंचार बन्द हुँदासम्म पनि दिमागले निरन्तर काम गरिरहने पत्ता लगाएको छ ।

तर उनीहरूले यो तथ्य पहिले मुसामाथि गरिएको अध्ययनमा पनि देखिसकेका छन् । यद्यपि यो एकल अध्ययन भएको र कुनै पनि निश्चित परिणाममा पुग्न अझै धेरै अध्ययनको आवश्यकता रहेको बताइएको छ । अनुसन्धानकर्ताहरूले अध्ययन प्रक्रियालाई जारी राखिने जनाएका छन् । यस अध्ययनको प्रतिवेदन जर्नल फ्रन्टियर्स इन एजिङ न्युरोसाइन्समा प्रकाशित गरिएको छ ।


प्रकाशित : २०७८ फाल्गुन १८, बुधबार : प्रकाशित

ताजा समाचार
  • खोज खबर बिसेष
    थप
  •