पञ्जाबमा कांग्रेसको प्रदेश अध्यक्ष नवजोत सिंह सिद्धूले राजीनामा दिएका छन् । राजीनामाको चिट्ठी उनले आफ्नो ट्वीटर ह्यान्डलबाट ट्वीट गरेका छन् ।

उनले कांग्रेस अध्यक्ष सोनिया गान्धीलाई सम्बोधन गर्दै लेखेका छन्, ‘म अध्यक्ष पदबाट राजिनामा दिइरहेको छु ।’

यसअघि पाँच राज्यको विधानसभा चुनावमा कांग्रेसको हारपछि सोनिया गान्धीले प्रदेश कांग्रेस कमिटीको अध्यक्षबाट राजीनामा मागेका थिए ।

कांग्रेस प्रवक्ता रणदीप सुरेजावालाले ट्वीट गरेर भनेका थिए, ‘कांग्रेस अध्यक्ष श्रीमती सोनिया गान्धीले उत्तर प्रदेश, उत्तराखण्ड, पञ्जाब, गोवा र मणिपुरका पीसीसी अध्यक्षलाई पीसीसी (प्रदेश कांग्रेस कमेटी) को पुनर्गठनका लागि आफ्नो राजीनामाको माग गरेकी छिन् ।’

सोनियाले भनेपछि नवजोत सिंह सिद्धूबाहेक उत्तराखण्ड प्रदेश कांग्रेस अध्यक्ष गणेश गोदियालले पनि आफ्नो राजीनामा दिइसकेका छन् ।