खलिफा : फ्रान्सका राष्ट्रपति इमानुएल म्याक्रोनले सन् २०२२ को फिफा विश्वकपको फाइनल खेल हेरेर खेलाडी र शुभचिन्तकलाई साथ दिन आइतबार कतारमा जाने बताएका छन्।

 

अर्जेन्टिनाका राष्ट्रपति अल्बर्टो फर्नान्डेज भने फाइनल खेल हेर्न कतार नजाने बताएका छन्।

आइतबार अर्जेन्टिनाले प्रतियोगितामा पहिलो स्थानका लागि फ्रान्ससँग खेल्नेछ। ‘लाखौं देशवासी जस्तै म पनि घरेलु मैदानमा विश्वकप फाइनलको मजा लिनेछु। म यो अद्भुत क्षणलाई पहिलेजस्तै मेरा मानिसहरूसँग मिलेर बाँच्नेछु। हाम्रा उत्कृष्ट खेलाडी मैदानमा हुनेछन् र गौरवशाली फ्यानहरु स्ट्यान्डमा हुनेछन्,’ फर्नान्डिजले ट्वीटरमा लेखेका छन्।

कतारको खलिफा रङ्गशालामा शनिबार भएको प्लेअफमा मोरक्कोलाई २–१ गोलअन्तरले पराजित गर्दै क्रोएसिया तेस्रो स्थान जित्न सफल भएको छ।

फ्रान्सका केही खेलाडी भाइरलबाट प्रभावित छन्। उनीहरुले अर्जेन्टिनाविरुद्धको खेल गुमाउने सम्भावना छ। इएसपीएनका अनुसार राफेल भरान र इब्राहिम कोनाटे आइसोलेसनमा छन्।