लोकप्रिय खबर

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

अपाङ बाल शिक्षा सरोकार केन्द्रलाई खाध्यान्न तथा दैनिक आवश्यकीय सामाग्री प्रदान

पानीमा उब्जेको सिँघाडाले मिठो स्वादको साथै शरीरलाई पनि निकै फाइदा

बाँके । 

स्वादको लागि भए पनि सिँघाडा खानेहरु धेरै छन् । पानीमा उब्जेको सिँघाडाले मिठो स्वादको साथै शरीरलाई पनि निकै फाइदा दिन्छ । सिँघाडा कसैले स्वादका लागि खाने गर्छन् त, कसैले स्वास्थ्यका लागि । जसरी खाए पनि सिँघाडा फाइदाजनक छ ।

यसमा भिटामिन ए, भिटामिन सी, म्यांगनिज, फाइबर, फस्फोरस, आयोडिन, म्याग्नेसियम आदि पर्याप्त मात्रामा पाइन्छ। पानीको सतहमा भएको पातमा उब्जने सिँघाडा चिसो मौसममा फल्छ । केही समुदायले यसलाई उपवासको समयमा पीठोको रूपमा प्रयोग गर्छन्। मानिसहरु यसको हलवा र पुरी उत्साहका साथ खान्छन् । यसको सेवनले स्वास्थ्यमा धेरै फाइदा दिने मानिसहरू बताउँछन् । यसबारेमा मानिसहरूलाई कमै थाहा छ ।

१. सिँघाडा पानीमा उब्जन्छ, त्यसैले यसलाई पानीको फल पनि भनिन्छ । यसमा पाइने पोषक तत्व शरीरका लागि निकै फाइदाजनक हुन्छ । यसको तरकारी पनि निकै फाइदाजनक हुन्छ । यसको सेवनले प्रजनन क्षमता राम्रो हुन्छ, हार्मोन पनि सन्तुलन हुन्छन् ।

२. लो ब्लड प्रेसर रोगीलाई पनि सिँघाडाले औषधि जस्तै काम गर्छ । यसमा पाइने सोडियमले रक्तचापलाई नियन्त्रणमा राख्न ठूलो भूमिका खेल्छ । छिटो ऊर्जाका लागि पनि सिँघाडालाई निकै राम्रो मानिन्छ । मुटु रोगमा पनि यो लाभदायक हुन्छ ।

३. छालाका लागि सिँघाडाको पातलाई धेरै राम्रो मानिन्छ । यसको प्रयोगले छालाको चाउरी, दाग, दाद, खुज्ली र पिम्पल पनि हट्छ । यसमा पाइने पौष्टिक तत्वले अनुहारलाई सुन्दर बनाउन महत्वपूर्ण भूमिका खेल्छ ।

४. पाइल्सका बिरामीलाई समेत सिँघाडाले फाइदा दिन्छ । अत्यधिक तीतो र तेलयुक्त मसला खाँदा आन्द्रामा समस्या भएकालाई यसको सेवनले छुटकारा मिल्छ ।

 

५. सिँघाडालाई कागती हालेर खाँदा ग्यास, कब्जियत, अपचबाट आराम मिल्छ । तपाईंले यसलाई आहारमा समावेश गर्नुपर्छ । यसबाट छिट्टै राहत मिल्ने छ ।


प्रकाशित : २०७९ पुष ५, मंगलवार : प्रकाशित

ताजा समाचार
  • खोज खबर बिसेष
    थप
  •