चलचित्र विकास बोर्डले फिल्म सेन्सर सम्बन्धि नियम संशोधन गरेको छ । विकास बोर्डले फिल्म सेन्सर सम्बन्धि नियममा परिवर्तन गर्ने घोषणा गरेसंगै चलचित्र संघले आन्दोलनका कार्यक्रम स्थगित गर्ने अनुमान गरिएको छ ।
सोमबार बसेको बोर्डको बैठकले स्वदेशी तथा विदेशी फिल्मको सेन्सर सिफारिस लिनका लागि प्रदर्शन मितिभन्दा कम्तीमा सात दिन अगावै दरखास्त पेश गर्नुपर्ने नियमलाई परिर्माजन गर्दै अब चार दिनअघि दरखास्त पेश गर्दा हुने निर्णय गरेको हो ।
मध्यराति फिल्म प्रदर्शन गर्नु परेमा प्रदर्शन अगावै बोर्डलाई जानकारी गराए हुने निर्णय गरिएको छ ।
यसअघि बोर्डले बिहान ६ बजेदेखि राति ११ बजेसम्म शो निर्धारण गरेर फिल्म प्रदर्शन गर्न प्रदर्शकहरुलाई निर्देशन दिएको थियो ।
फिल्म क्षेत्रका समस्या समाधानका लागि संघ–संस्थाहरुसँग वार्ता, छलफल तथा अन्तरक्रियाको लागि बोर्ड सधैं तत्पर रहेको अध्यक्ष भुवन केसीको भनाइ छ ।
चलचित्र संघले एक हप्ता अगाडि सेन्सर सिफारिस लिनुपर्ने तथा ११ बजेपछि फिल्म प्रदर्शन गर्न नपाउने बोर्डको निर्णयविरुद्ध आन्दोलनको घोषणा गरेको थियो ।
समाचार 
