लोकप्रिय खबर

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

कानुन संशोधन नगरी स्थानीय निर्वाचन हुन सक्दैन : गुरुङ

माई नगरमा दोश्रो कोरोना संक्रमित भेटिए

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

अपाङ बाल शिक्षा सरोकार केन्द्रलाई खाध्यान्न तथा दैनिक आवश्यकीय सामाग्री प्रदान

शरीरको कुन बिन्दुमा दबाउँदा कुन समस्या निको हुन्छ ?

चिनियाँ पूर्वीय चिकित्सामा प्रचलित विभिन्न विधिमध्ये अकुप्रेसर, अकुपञ्चर र रिफेक्सलोजी पनि हो । योग चिकित्सामा विभिन्न नाडीहरू भने जस्तै चिनियाँ पूर्वीय  चिकित्साअनुसार विभिन्न मेरिडियन शरीरमा यत्रतत्र बगिरहेका हुन्छन् ।

त्यस अवस्थामा हाम्रो शरीरमा विभिन्न गाँठाहरु उत्पन्न भएका हुन्छन् । शरीरमा सकारात्मक र नकारात्मक ऊर्जा बगिरहेको अवस्थामा हामीले कुनै बिन्दुमा थिच्दा धेरै प्रकारका स्वास्थ्यलाभ मिल्छ ।

अकुप्रेसरमा विभिन्न खालमा पोइन्टहरु हुन्छन् । जसको रिफ्लेक्स पोइन्ट, आसी पोइन्ट, मोट पोइन्ट जस्ता नाम छन् । रिफ्लेक्स पोइन्ट हात, खुट्टा र कानमा हुन्छ । शरीरको बनोट जस्तो त्यस्तो बनावट हाम्रो हात–खुट्टामा पनि हुन्छ ।

अकुप्रेसर एउटा सरल चिकित्सा पद्धति हो । यसलाई घरमै प्राथमिक उपचारको रूपमा गर्न सकिन्छ । शरीरको विभिन्न अंगमा रहेका पोइन्टहरुलाई दबाएर विभिन्न स्वास्थ्यलाभ लिन सकिन्छ ।

टाउको दुखाइ

हाम्रो टाउकोलाई देखाउने पोइन्टलाई हामीले दबायौं भने टाउको दुख्ने समस्याबाट छुटकारा मिल्छ । हातलाई बन्द गर्दा उठेको भागमा एउटा पोइन्ट हुन्छ । त्यसलाई बुढी औंलाले बिस्तारै दबायौं भने टाउको दुखाइबाट राहत मिल्छ र आनन्द महसुस हुन्छ । शरीर आलस्य हुँदा वा शरीरको अन्य भाग दुख्दा पनि त्यो हातको उठेको भागलाई दबाउँदा दुखाइ कम हुन्छ ।

 

हाम्रो टाउकोमाथि दुईवटा हातलाई ताज लगाएको जसरी वा हेयरब्याण्ड लगाएको जसरी राख्यौं भने निधारको बीच भागको सिधा पर्छ त्यो पोइन्टलाई बिस्तारै दबाउँदा पनि टाउको दुखाइ कम हुन्छ । यसरी यी दुईवटा पोइन्टलाई दबाउँदा पनि राहत भएन भने के कारण टाउको दुखेको हो पत्ता लगाएर त्यसको उपचार गर्नुपर्छ ।

गाडीमा लामो यात्रा गर्दा रिंगटा लागेमा

कसैलाई गाडीमा लामो यात्रा गर्दा टाउको घुमेको जस्तो हुने, रिंगटा लाग्ने, बान्ता होला जस्तो हुने समस्या देखिन्छन् । यस्तो अवस्थामा तत्काल केही उपाय अपनाएर यो समस्याबाट छुटकारा पाउन सकिन्छ । हातको नाडीमा तीनवटा औंला राखेर छोड्दा जुन पोइन्ट भेटिन्छ, त्यसलाई आधार मानेर त्यसलाई एक छिन दबाउँदा रिंगटा लाग्न नदिन र बान्ता हुन नदिन महत्त्वपूर्ण भूमिका खेल्छ ।

पिनास

नाकको नजिकैका हड्डीभित्र नरम हावाको रिक्त स्थान हो, जसलाई साइनस भन्छन् । साइनसमा पातलो झिल्लीको तह हुन्छ । जब कुनै व्यक्तिलाई रुघा तथा एलर्जी हुन्छ साइनसमा सिंगान भरिन्छ र सुन्निन्छ भारी महसुस हुन्छ । त्यस्तो अवस्थामा त्यो सिंगान साइनसमा नभरियोस्, बाहिर निस्कियोस् भन्न केही पोइन्टमा दबाउन सकिन्छ । नाकको छेउमा दुईवटा पोइन्ट हुन्छ, त्यो पाइन्टलाई दबाउँदा दुखाइ कम हुन्छ ।

निधारको भाग र आँखामाथि दुखेको छ वा भारी महसुस भएको छ भने आँखीभौंको पुच्छरमा दबाउँदा राहत महसुस हुन्छ । साथै आँखीभौंको बीचको भागमा दबाउँदा पनि दुखाइ कम हुन्छ र आनन्द महसुस हुन्छ ।

एलर्जी

कहिलेकाहीं एलर्जीको कारण पनि नाक जम्ने समस्या भइरहेको हुन्छ । त्यस्तो अवस्थामा हातको बीच भागमा एउटा पोइन्ट हुन्छ, त्यो एन्टिएलर्जी पोइन्ट हो । त्यो पाइन्टलाई दबाउँदा एलर्जीको समस्या पनि कम हुन्छ ।

ग्यास्ट्रिक

ग्यास्ट्रिकको मुख्य कारण खानपान नै हो । हामीले खाने खानाको प्रकार र समयले ग्यास्ट्रिको समस्या निम्त्याउनमा भूमिका खेल्छ । ग्यास्ट्रिक हुँदा पेट फुल्ने, अमिलो डकार आउने हुन्छ । त्यस्तो समस्या कम गर्न हातलाई दोबार्दा कुइनाको माथि एउटा क्रिज हुन्छ, त्यो पोइन्टलाई दबाउँदा पेटमा आनन्द महसुस हुन्छ । घुँडाको तलपट्टि घुँडाको हड्डी सकिने ठाउँको दायाँपट्टि भागमा दबाउँदा ग्यास्ट्रिकको समस्या कम गर्न सकिन्छ ।

कब्जियत

खानामा फाइबरको कमी हुँदा कब्जियतको समस्या हुन्छ । फाइबर भएको रेसादार खाना कम खाने र जंकफुड धेरै खाने व्यक्तिलाई यो समस्या देखिन्छ । यस्तो अवस्थामा पेटलाई सक्रिय बनाउन ग्यास्ट्रिकको जस्तै हातको बीच भागको क्रिज र घुँडाको क्रिजमा दबाउन सकिन्छ ।

अनिद्रा

तनाव, चिन्ता बढ्दा अनिद्राले सताउँछ । धेरै कुरा सोच्न व्यक्तिलाई पनि अनिद्राको समस्या हुन्छ । त्यसैले अनिद्राको समस्याबाट छुटकारा पाउन तनाव मुक्त बनाउने वा कम गर्ने पोइन्ट दबाउनुपर्छ । टाउको दुख्दा निधारको सिधामाथिको पोइन्टलाई दबाउने प्रक्रिया यसमा पनि गर्नुपर्छ । त्यो पोइन्टको एक बुढी औंला वरपर चारैतिर चारवटा पोइन्ट हुन्छ । त्यसलाई दबाउँदा तनाव कम भएर निद्रा लाग्छ ।

कति समय दबाउने ?

हातखुट्टा तथा शरीरको विभिन्न भागमा रहेका पोइन्टहरु कसरी, कति समय दबाउनुपर्छ भन्ने जान्नुपर्छ । धेरैबेर हात नै रातो हुने गरी दबाउन भने हुँदैन । सही पोइन्ट पत्ता लगाएर हल्का हातले दबाउँदा दुखेको ठाउँमा राहत महसुस हुन्छ । त्यो अकुप्रेसर पोइन्टमा दबाउँदा जबसम्म दुखाइ कम हुँदैन त्यसबेलासम्म दबाउनुपर्छ ।

(प्राकृतिक चिकित्सक डा. पाण्डेसँग सुमित्रा लुइटेलले गरेको कुराकानीमा आधारित)


प्रकाशित : २०७९ पुष २७, बुधबार : प्रकाशित

ताजा समाचार
  • खोज खबर बिसेष
    थप
  •