जनवरी २६, २०२३ (बिहीबार) हामी एक हौं संगीत शान्ति महोत्सव कोटाबाटो राज्य विश्वविद्यालय (सि.एस.यु) व्यायमशालाको हलमा आयोजित हुनेछ। करिब १,००० विद्यार्थीहरु, संकाय सदस्यहरू, सरकारी अधिकारीहरू, धार्मिक अगुवाहरू र नागरिक समाज संस्थाहरूका शान्ति अधिवक्ताहरू सहभागी हुने अपेक्षा गरिएको छ।
“शान्ति यहाँ छ” भन्ने नारा सहित, संगीत शान्ति महोत्सवले विश्वभरका युद्धहरु बन्द गर्न आह्वानको लागि मिन्डानाओका युवा र नागरिकहरूको आवाजलाई एकताबद्ध गर्ने लक्ष्य राखेको छ जस्तै; युक्रेनमा भएको युद्धले फिलिपिन्स सहित विश्वका विभिन्न राष्ट्रहरुको सुरक्षा र अर्थव्यवस्थामा चिन्ता खडा गरेको छ। यो महोत्सव शान्तिपूर्ण समाजका लागि नागरिक र राष्ट्रिय अगुवाहरूको सक्रिय सहभागिताको आवश्यकता बारे चेतना जगाउने उद्देश्यले आयोजना गरिएको हो ।
अतिथि कलाकारहरु मध्ये “सुक्ले दिवा” र “एशियाज भोकल सुप्रीम” क्याट्रिना भेलार्डे र “मोरो गीतको रानी” समरैदा पनि रहेकी छन्। साथै कोरियन गायक एडेन र जिन, अनि स्थानीय ब्यान्ड द जेनरेमेन ब्यान्ड र द हाउज ब्यान्डले पनि प्रस्तुति दिनेछन्।
सामान्य प्रवेश टिकट शुल्क फिलिपिनो ५० रहेको छ । महोत्सवको सम्पुर्ण आम्दानी अर्को दिन, जनवरी २७, कोटाबाटो स्टेट युनिभर्सिटी (सि.एस.यु) मा अनावरण हुने शान्ति स्मारक निर्माणको लागि प्रयोग गरिनेछ ।
कार्यक्रमको सुरुवात गर्न सि.एस.यु अध्यक्ष डा. सेमा डिल्ना, सिटी मेयर ब्रुस माताबालाओ, मुख्यमन्त्री अहोद इब्राहिम र चेद आयुक्त डा. रोनाल्ड एल एडमाटले मन्तव्य दिनुहुने छ। साथै अन्तर्राष्ट्रिय समर्थनमा २०१४ देखि मिन्डानाओमा शान्ति स्थापनाको लागि वकालत गर्नुभएका कोरियाली शान्ति कार्यकर्ता, एचडब्ल्युपिएलका अध्यक्ष ली म्यान-ही लीद्वारा एक विशेष सम्बोधन गरिनेछ।
यो कार्यक्रम हेभेन्ली कल्चर, वर्ल्ड पिस, रेस्टोरेसन अफ लाइट(एचडब्ल्युपिएल) द्वारा कुटावाटो ग्रीनल्यान्ड इनिसिएटिभ्स ( के.जि.आई) को साझेदारीमा बंग्समोरो अटोनोमस रिजन इन मुस्लिम मिन्दनाओ (बारम्म) सरकार, कोटावाटो शहर सरकार, स्पिन मिडिया पि.एच, सि.एस.यु, सिङ्गानेन ओ मिन्डानाओ र भोलिन्टर इन्दिभिजुअल्स् फर पिस(भिआइपी) सँगको सहकार्यमा आयोजना गरिएको हो।