भारतमा चर्चित बलात्कार आरोपमा आसारामलाई आजीवन कारावासको सजाय भएको छ ।
गुजरातको सेक्सन कोर्टले मुद्दाको सुनुवाइ गर्दै फैसला सुनाएको भारतीय सञ्चारमाध्यमले जनाएका छन् । यसअघि नै अर्काे बलात्कार मुद्दामा आसारामलाई जन्मकैदको सजाय भइसकेको छ । उनी पुनः दोस्रोपटक दोषी ठहर भएका छन् ।
गुजरातको गान्धीनगर सेक्सन कोर्टले आसारामलाई दोषी ठहर गरेको छ । दुई बहिनीले आसाराम र उनका छोराविरुद्ध बलात्कारको आरोप लगाएका थिए ।
आसाराम पक्षका वकिलले भने उच्च अदालत जाने बताएका छन् । यसअघिको बलात्कार मुद्दामा पनि उनलाई उच्च अदालतले राहत दिएको थिएन । सर्वाेच्च अदालतले गत वर्ष उनको रिटलाई रद्द गरेको थियो ।
प्रकाशित : २०७९ माघ १७, मंगलवार : प्रकाशित
समाचार 
