कर्णाली प्रदेश अस्पताल सुर्खेतमा पहिलो पटक मृगौला प्रत्यारोपण सफल भएको छ ।
शहीद धर्मभक्त राष्ट्रिय प्रत्यारोपण केन्द्रका डाक्टर पुकार चन्द्र श्रेष्ठको समूह र प्रदेश अस्पतालका विशेषज्ञ चिकित्सकसहितको समूहले प्रदेश अस्पताल सुर्खेतमा बर्दघाट नगरपालिका–४, नवलपरासीका २२ वर्षीय युवाको मृगौला सफल प्रत्यारोपण गरेको हो ।
अस्पतालका निर्देशक डा. डम्बर खड्काकाले पछिल्लो समय अस्पतालमा मृगौलाका बिरामी बढ्न थालेको बताउँदै मृगौला प्रत्यरोपण सेवा शुरु गरिएको बताउनुभयो । उहाँ भन्नुहुन्छ “हामी चाँडै नै आफ्नै जनशक्तिबाट यो सेवा पूर्णरुपमा शुरु गर्दैछौ । हामीले अनुमति पाएको ३ महिनामा नै मृगौला प्रत्यारोपण सेवा शुरु गर्न सफल भएका छौ । अब कर्णालीका नागरिकहरुले मृगौला प्रत्यारोपणकालागि काठमाण्डौं जानुपर्ने बाध्यताको अन्त भएको छ ।”
यही माघ १४ गते मृगौला प्रत्यारोपण सेवा शुरु गर्ने भनेका थियौ तर प्राविधक कारणले हामीले २१ गते प्रत्यारोपण गर्न सफल भएका छौ यो हाम्रो एउटा ऐतिहासिक कामको सुरुवात हो । निर्देशक डा. खड्का भन्नुहुन्छ ।