जनमत पार्टीले प्रतिनिधिसभाका दुई जना समानुपातिक सांसदलाई फिर्ता बोलाउन प्रक्रिया अघि बढाउने निर्णय गरेको छ । शुक्रबार बसेको जनमतको केन्द्रीय समिति बैठकले संसदमा प्रभावकारी भूमिका खेल्न नसकेको निष्कर्ष निकाल्दै सोनु मुर्मुर र बिनिता सिंहलाई सांसदबाट हटाउने प्रक्रिया थाल्ने निर्णय गरेको नेता चन्दक सिंहले जानकारी दिए ।

जनमत पार्टीको प्रतिनिधिसभामा ६ सांसद रहेका छन् । जसमा सीके राउतमात्रै प्रत्यक्षबाट निर्वाचित भएका थिए ।

यस्तै बैठकले पार्टी हितविपरीतका गतिविधि गर्ने केही नेतालाई कारबाही गर्ने निर्णय समेत गरेको छ ।