लोकप्रिय खबर

उखु किसानलाई ४५ दिन भित्रै अनलाईन पेमेन्ट गर्ने सरकारको तयारी: मन्त्री यादव

ख्रीष्टियन समुदायका प्रमुख तीन संस्था एनसिएफ, एनसिएस र एफएनसीएनबीच सात बुदेँ सहमति (सहमति पत्रसहित)

कानुन संशोधन नगरी स्थानीय निर्वाचन हुन सक्दैन : गुरुङ

हवाई उडानको टुङ्गो नलाग्दा सन्दीपले सिपिएल खेल्नेबारे अन्योल

माई नगरमा दोश्रो कोरोना संक्रमित भेटिए

अर्जुनधारा नगरपालिकाद्वारा कृषकलाई च्यापकटर (कुट्टी काट्ने) यन्त्र वितरण

राष्ट्रिय सभाको भागबन्डा : कांग्रेसले ६ पाउँदा माओवादी र समाजवादीलाई ५/५ सिट

शपथ ग्रहण नगर्दै मोदीमाथि दबाब

नयाँ दिल्ली- प्रधानमन्त्री नरेन्द्र मोदीको तेस्रो कार्यकालका सहयोगी दलहरूको असर शपथ ग्रहणअगावै देखिन थालेको छ ।

भारतीय जनता पार्टी नेतृत्वको गठबन्धन एनडीएको एक महत्वपूर्ण घटक जनता दल युनाइटेड (जेडीयू) ले सैन्य भर्ना योजना अग्निवीर र समान नागरिक संहिता (यूसीसी) लाई लिएर अड्को थापेको छ ।

बिहारका मुख्यमन्त्री नीतिश कुमार नेतृत्वको जेडीयूका प्रवक्ता केसी त्यागीले अग्निवीर योजनाबारे पुनर्विचार गर्न आवश्यक देखिएको बताएका छन् । यसका साथै समान नागरिक संहिताबारे पनि सबै राजयसँग छलफल आवश्यक रहेको उनले जोड दिए ।

जेडीयूले अग्निवीर योजनाको असर भर्खरै सम्पन्न १८ औँ लोकसभा निर्वाचनमा देखिएको जनाएको छ । प्रवक्ता त्यागीले भने, ‘अग्निवीर योजनाबारे पुनर्विचार गर्न आवश्यक देखिएको छ । यस योजनाको चुनावमा विरोध भयो । यसको असर चुनावी परिणाममा देखियो ।’

कांग्रेसले लोकसभा निर्वाचनमा अग्निवीर योजनालाई मुद्दा बनाएको थियो । उसले आफू सत्तामा फर्किए उक्त योजनालाई रद्दीको टोकरीमा मिल्काउने बताएको थियो ।

अग्निवीर योजनाअन्तर्गत सेनामा भर्ना भएका राज्यहरुमा भाजपाको सिटमा कटौती भएको कतिपय सञ्चारमाध्यमले उल्लेख गरेका छन् ।

भारतीय सञ्चारमाध्यमका अनुसार अग्निवीर योजनाअन्तर्गत सेनामा भर्ती भएका राज्यहरुमध्ये हरियाणामा भाजपाको सिट १० बाट घटेर ५ मा खुम्चिएको छ ।

पञ्जावमा भाजपा एक सिट पनि जित्न सफल भएन, उता राजस्थानमा भाजपाको सिट संख्या २४ बाट घटेर १४ पुग्यो ।

जेडीयू प्रवक्ता त्यागीले समान नागरिक संहिताबारे आफ्नो पार्टीको धारणा आजका दिनमा पनि स्पष्ट रहेको बताए ।

उनले संहिताबारे सबै राज्यसँग छलफल गरिनुपर्ने अडान यथावत रहेको बताए । त्यागीले जेडीयू एक राष्ट्र, एक निर्वाचनको समर्थनमा रहेको पनि अडान सार्वजनिक गरे ।


प्रकाशित : २०८१ जेष्ठ २४, बिहीबार : प्रकाशित

ताजा समाचार
  • खोज खबर बिसेष
    थप