विराटनगर । सुनसरी इटहरीकी निकिता चौधरी विराटनगरमा आयोजित जेनजी पुस्ताको आन्दोलनमा सहभागी भइन् । बिहानको कक्षा सकेर १० बजेदेखि आन्दोलनमा आएकी उनी भोकै थिइन् । आन्दोलनमा आउनुको कारणबारे उनले भनिन्, ‘नयाँ नेपाल, नो करप्सन, नो फर यु, नन एमाले, नन कंग्रेस, कुनै पनि पार्टी नचाहिने । स्वतन्त्र नेपाल जहाँ भ्रष्टाचार नहोस् ।’
उनी शिक्षित प्रधानमन्त्री चाहन्छिन् । अहिलेका प्रधानमन्त्री केपी शर्मा ओलीले देशको नेतृत्व गर्न नसक्ने उनी बताउँछिन् ।
उनले प्रत्येक नेपालीले यो कुरा स्वीकार्नुपर्ने र आन्दोलनलाई सफल बनाउनुपर्ने उनको माग छ । ‘अब युवालाई प्रधानमन्त्री बनाउनुपर्छ । एजुकेटेड मान्छेले देश चलाउनुपर्छ । यो सरकार परिवर्तन होस्,’ उनले भनिन् ।


समाचार


